Tefik Osmani duhej të ishte bashkuar me Skënderbeun javën e kaluar, pasi vendosi që ta vazhdonte karrierën me skuadrën e qytetit të tij. Por ai nuk është vënë nën urdhrat e trajnerit Orges Shehi për shkak të një problemi shëndetësor.
Njerëz pranë klubit korçar kanë bërë me dije për “Vipsport.al” se Osmanin e ka zënë lija dhe i duheshin disa ditë për ta kaluar atë. Sipas të gjitha gjasave, futbollisti veteran që luan në mbrojtje dhe në mesfushë, do të jetë sot në Korçë, ku të gjithë po e presin.
Osmani ishte i pavendosur për të ardhmen, pasi u mësua lajmi se Skënderbeu nuk do të merrte pjesë në Kupat e Europës. Si shumë lojtarë të tjerë, edhe ai mendoi largimin, pasi strategjia e klubit jugor ndryshoi dhe pagesat nuk janë më ato të mëparshmet. Por në fund ai “u bind” për t’iu bashkuar shokut të skuadrës, Shehit, që tashmë do ta ketë trajner.