Klubi bardhekuq është duke vijuar punën për të afruar në ekip edhe mesfushorët e kërkuar nga trajneri Orges Shehi, e mbi të gjitha sulmuesin që duhet të bëjë diferencën. Ditët e fundit janë rritur mjaft kuotat për të pasur afrim të radhës një lojtar cilësor dhe me perspektivë për të ardhmen si Emir Sahiti.
Pas largimit nga Rabotniçki te Hajduku i Splitit, 20-vjeçari duket se nuk ka gjetur vendin e përshtatshëm dhe me shumë mundësi pritet që të dalë një lojtar i lirë në merkato. Për këtë arsye, korçarët janë duke monitoruar me kujdes situatën.
Sahiti kërkon që të ketë një karrierë në vazhdim te një ekip me potencë në arenën ndërkombëtare, por nëse një gjë e tillë nuk do të realizohej, Skënderbeu mbetet te dera për të përfituar. Drejtuesit kanë vendosur kontaktet me lojtarin dhe sikundër raportojnë burimet pranë klubit për gazetën, gjasat janë që të firmosë.